ប្រវត្តិសាកលវិទ្យាល័យ​ វេស្ទើន

ប្រវត្តិសាកលវិទ្យាល័យវេស្ទើន

សាកលវិទ្យាល័យវេស្ទើន ត្រូវបានបង្កើតឡើងជាសាកលវិទ្យាល័យដោយអនុក្រឹត្យលេខ ៧២ នៅថ្ងៃទី ១៧ ខែវិច្ឆិកា ឆ្នាំ ២០០៣ ដោយម្ចាស់គឺ លោក តែ ឡូរិន (Te Laurent)។ លោក ឡូរិន ក៏បានបង្កើតសាលាអន្តរជាតិវេស្ទើនផងដែរនៅក្នុងឆ្នាំដដែលនោះ។ នៅឆ្នាំ ២០០៥ ដោយមានការយល់ព្រមពីក្រសួងអប់រំ យុវជន និងកីឡា សាខាសាកលវិទ្យាល័យវេស្ទើនក៏ត្រូវបានបង្កើតឡើងនៅខេត្តកំពង់ចាមផងដែរ។ លោក ឡូរិន ដែលជាសាកលវិទ្យាធិការនៃសាកលវិទ្យាល័យវេស្ទើន បានបញ្ចប់ការសិក្សាផ្នែកវិទ្យាសាស្ត្រសេដ្ឋកិច្ចលើជំនាញហិរញ្ញវត្ថុ និងធនាគារ ពីសាកលវិទ្យាល័យ(Sorbonne) ទីក្រុងប៉ារីស ប្រទេសបារាំង។

សាកលវិទ្យាល័យកំពុងបន្តពង្រឹងការរៀបចំរចនាសម្ព័ន្ធប្រតិបត្តិ និងដំណើរការសិក្សារបស់ខ្លួន ដើម្បីផ្តល់លទ្ធភាពក្នុងការផ្តល់នូវការអប់រំដែលមានគុណភាពខ្ពស់ ក្នុងការគាំទ្រដល់ការអភិវឌ្ឍធនធានមនុស្សដែលប្រទេសកម្ពុជាត្រូវការ។ ដើម្បីសម្រេចគោលដៅនេះ សាកលវិទ្យាល័យបានចាប់ផ្តើមកម្មវិធីមួយដើម្បីកែលម្អគុណភាពនៃការបង្រៀនរបស់ខ្លួនបន្ថែមទៀតឱ្យឈានដល់ស្តង់ដារអន្តរជាតិ។